Şəkildə gördüyünüz Azərbaycan Komunist Partiyasının Birinci katibi H.Əliyevin ,ikinci katibi Kozlovun və Lənkəran şəhər Partiya komitəsinin birinci katibi İsa Mamedovun yanında duran qadın Solmaz Əliyevadır.

O, ötən əsrin 70-ci illərində qabaqcıl tərəvəzçi kimi böyük şöhrət qazanıb. 1973-cü ildə ona əmək nailiyyətlərinə görə Sosialist Əməyi Qəhrəmanı adı verilib. Solmaz Əliyeva SSRİ Ali Sovetinin, eləcə də 5 çağırış Azərbaycan SSR Ali Sovetinin deputatı olub.
2002-ci ildən Azərbaycan Respublikası prezidentinin təqaüdçüsü idi. Uzun illər xalq artisti Zeynəb Xanlarovanın ifa etdiyi, sözləri Şəkər Aslana, musiqisi Emin Sabitoğluna məxsus olan “Kim tanımır Solmazı” mahnısı Solmaz Əliyevanın şəninə yazılıb.