Antalyada Rövşən Lənkəranskinin qətliylə bağlı “sxodka” keçirilib.

Lent.az-ın Rusiya KİV-ə istinadən məlumatına görə, “sxodka”da Lənkəranskiyə yaxınlığı ilə tanınan “oğru”lar iştirak edib.

Məlumata görə, görüş üçün Antalyanın seçilməsi də təsadüfi olmayıb. Çünki Lənkəranskinin ən yaxın dostu Merab Canqveladze (Merab Suxumski) İtaliyada həbsdən çıxandan sonra bu şəhərdə məskunlaşıb. “Sxodka”da ondan başqa Merab Baxiya (Baxa-Baxa), Roin Uqlava (Mateviç), İrakli Kaliçava (Xutu), Koba Axvlediani (Koba Suxumski) və Zurab Dqebuadze (Zura Zuqdidski) də iştirak ediblər.

“Sxodka” o qədər də uzun çəkməyib. Türkiyə polisinin hadisə yerinə gələcəyindən ehtiyat edən “oğrular” təcili qərar verərək and içiblər: Lənkəranskinin qisası alınmalıdır.

Hökmün kimə ünvanlandığı barədə məlumat verilmir. Bəlli olan budur ki, Antalyada məskunlaşan Merabdan başqa, adıçəkilən oğrular Türkiyəni tərk edərək Moskvaya qayıdıblar.