Bakıda olar, amma Lənkəranda olmaz

Deputatlığa namizəd Xalid Bağırova və ona seçki prosesində kömək etmiş şəxslərə qarşı təziqlər var.

Fevralın 4-də Xalid Bağırov onu müşayət edən heyətlə birlikdə saxlanılıb. Onun təbliğatında kömək edən maşın sürücüsünə polis tərəfindən təziq edilib və hədə-qorxu gəlinib. Xalid Bağırov və onun nümayəndələri qanunsuz yoxlamalara məruz qalıb.

Fevralın 5-də isə yerli polis orqanları ona seçki prosesində kömək etmiş şəxslərin evlərinə gələrək, telefon zəngləri edərək hədə-qorxu gəliblər.

Daha əvvəl bu tip maneələr icra strukturlarına bağlı müxatəlif şəxslər tərəfindən edilirdi. Bağırova köməklik edən könüllülər icra nümayəndələri tərəfindən fiziki və psixoloji təziqə məruz qalıb.

Bağırov etirazını bildirərək deyib ki, “Nəyə görə Bakıda, Gəncədə, Mingəçevirdə təşviqatla məşğul olmaq olar, amma Lənkəranda olmaz? Bu insanlar Bakıda yaşıyanlardan əskikdirmi?”

Polis isə qanunsuzluğa haqq qazandıraraq diskirimativ şəkildə cavab verib ki, “Bakı başqa yerdi, bura başqa. Bakı və Lənkərandakı insanlar eyni deyil”.

Dairə Seçki Komissiyası isə açıq şəkildə qanunsuzluğa haqq qazandıraraq Bağırova qarşı yalan ittihamlar verib.

Xalid Bağırov fevralın 9-da baş tutacaq seçkilərə 76 saylı Lənkəran-Astara seçki dairəsindən qatılacaq. O, yeganə namizəddir ki, təşviqatını talış dilində aparır.