Lənkəranlı Talış sərbəst güləşçi yeniyetmələrin Avropa çempionatında erməni rəqibini məğlub edib.
Görüş İsveçin paytaxtı Stokholmda keçirilən yarışda baş tutub.
42 kq-da mübarizə aparan Mahir Məmmədzadə Ermənistan təmsilçisi Arakel Movsesyana tam üstünlüklə qalib gələrək rəqibinə heç bir xal verməyib. 10-0 hesabı ilə qələbə qazanan lənkəranlı güləşçi finala qədər də uğurla irəliləyib. Erməni idmançının ardınca Moldova və Rusiyadan olan güləşçiləri də üstələyən Mahir final görüşündə digər bir Azərbaycan təmsilçisi ilə qarşılaşıb.
Komanda yoldaşı Maqomedsalix Abakarovla mübarizədə də çətinlik çəkməyən idmançı fəxri kürünün ilk pilləsinə yiyələnib.